So‘nggi yillarda Toshkent metropoliteni jadal rivojlanmoqda. Qariyb 40 yil davomida metro tarmoqlari 29 ta bekat va 38 kilometr uzunlikni tashkil etgan bo‘lsa, oxirgi 6 yilda amalga oshirilgan bunyodkorlik ishlari natijasida yana 33 kilometr yangi yo‘nalish va 21 ta bekat foydalanishga topshirildi. Natijada bugungi kunda Toshkent metrosi bekatlari soni 50 taga, umumiy uzunligi esa 71 kilometrga yetdi.

Toshkent metropoliteni ma’lumotlariga ko‘ra, 2021-yilgacha metroda 36 ta poyezd qatnagan. 2025-yilga kelib bu ko‘rsatkich 75 tadan oshdi.

2026-yilda esa yana 56 ta zamonaviy metro vagonlarini xarid qilish rejalashtirilgan. Bu yangilanishlar yo‘lovchi tashish quvvatini oshirish, poyezdlar orasidagi intervalni qisqartirish va metropoliten xizmatlarini yana-da qulay qilishga xizmat qiladi.

• Metro
• Metropoliten
• Poyezd
• poyezd_qatnovi