Toshkent shahar Olmazor tumani hokimligida o‘tkazilgan yig‘ilishda mahalla raisi yiqilib, vafot etdi.
Qayd etilishicha, 24-noyabr kuni soat 10:00 lar atrofida bo‘lib o‘tgan yig‘ilish chog‘ida “Yangi Sebzor” mahalla fuqarolar yig‘ini raisi hushini yo‘qotib vafot etgan. Qayd etilishicha, marhumning ismi Shavkat Murodbekov bo‘lgan.

Hodisani Olmazor tumani hokimligi matbuot xizmati rahbari Vitaliy Tolibjonov ham tasdiqladi. Ammo, u so'zlariga ko'ra, qo'shimcha ma'lumotlarni prokuraturadan olish mumkinligini, aytgan. Bosh prokuratura ushbu holat bo‘yicha yaqin kunlarda rasmiy munosabat berilishini maʼlum qilgan.

Kun.uz nashriga ismini oshkor qilishni istamagan manbaning aytishicha, 40 kundan beri hokimlikdagi yig‘ilishlar davom etmoqda. “Bu uchrashuvlar qachon tugaydi? Har kuni sovuqda soatlab tashqarida turamiz”, - deb ma’lumot bergan fuqaro.

• Mahalla
• tuman