Toshkent shahrida avtomobillarni nazorat qilish uchun yo‘llarga yangi turdagi kameralar o‘rnatildi. Bu haqda shahar IIBB Yo‘l harakati xavfsizligi boshqarmasi xabar berdi.

Qayd etilishicha, Toshkent shahar hokimiyati tomonidan Avstriya davlatining “Glans Gresselchaft Tashkent” nomli korxonasi Alisher Navoiy ko‘chasini raqamlashtirish bo‘yicha taklifi o‘rganilmoqda va hozirgi vaqtda ushbu korxonaga tegishli intellektual foto-videoni qayd etish kameralari o‘rnatila boshladi.

Ushbu aqlli kamera yo‘l chiziqlariga rioya qilmaslik, tezlikni oshirish, uyali telefondan foydalanish va xavfsizlik kamaridan foydalanmaslik hamda boshqa qoidabuzarliklarni qayd etish imkoniyatiga ega.

“Barcha yo‘l harakati ishtirokchilariga belgilangan qoidalarga amal qilishlarini tavsiya qilamiz”, – deyiladi xabarda.

• Toshkent
• kamera