Тhe New York Times yozishicha, Donald Tramp prezidentlik lavozimiga qaytgach, uning oilaviy biznesi foyda ko‘ra boshladi. So‘nggi bir oy ichida Tramp kompaniyalariga kamida 2 milliard dollar daromad topgan.

“Xususan, $TRUMP kriptovalyutasining ishga tushirilishi kamida 174 million dollar daromad keltirgan. Bundan tashqari, BAA Tramp oilasining yangi kripto-loyihasi – World Liberty Financial kompaniyasiga investision firma orqali 2 mlrd dollar sarmoya kiritgan. Mazkur kompaniya Erik Tramp va kichik Donald Tramp boshchiligida yiliga o‘nlab million dollar foyda olishi kutilmoqda.

Shuningdek, Qatar Tramp brendi ostida mamlakatda bunyod etilayotgan 5,5 mlrd dollarlik plyajli golf majmuasi va villalar loyihasini moliyalashtirishga yordam bergan. Tramplar oilasi bu loyihadan litsenzion to‘lovlar va boshqaruv xizmatlari evaziga millionlab dollar ishlab oladi.

NYT’ga ko‘ra, Saudiya Arabistonidagi bir ko‘chmas mulk kompaniyasi esa “Trump International Hotel and Tower” mehmonxonasi uchun 1 mlrd dollar sarmoya kiritgan. Xuddi shu kompaniya Tramp brendi ostida Saudiya Arabistoni va Ummonda yangi mehmonxonalar, golf maydonlari va hashamatli minoralar qurishni rejalashtirmoqda. Bularning barchasi Tramp nomidan foydalanishga asoslangan brend bitimlari bo‘lib, ularga yana millionlab dollar daromad keltiradi.

• AQSh
• Biznes
• Daromad
• Tramp