Poytaxtda issiqlik energiyasi va issiq suv taʼminoti xizmatlari uchun yangi narxlar belgilandi. Bu haqda Xalq deputatlari Toshkent shahar kengashining 8-noyabrdagi qarorida keltirib o‘tilgan.

Unga ko‘ra, issiqlik energiyasi va issiq suv taʼminoti xizmatlari uchun tartibga solinadigan narxlar (tariflar) 1 Gkal energiya uchun 664 465 so‘m etib belgilanishi maʼqullandi (amaldagi tarif 397 212 so‘m/Gkal).

Tariflar:

— aholi uchun 91 960 so‘m/Gkal (amaldagi tarif 91 960 so‘m/Gkal);

— yuridik shaxslar uchun 212 606 so‘m/Gkal (amaldagi tarif 141 737 so‘m/Gkal);

— byudjet tashkilotlari uchun 801 963 so‘m/Gkal (amaldagi tarif 502 067 so‘m/Gkal).

Bunga Toshkent shahrida issiqlik taʼminoti tizimini tubdan yaxshilash, aholini issiqlik energiyasi bilan uzluksiz va sifatli taʼminlash, shuningdek, issiqlik taʼminoti tizimini boshqarishda samarali va ilg‘or tajribalarni joriy etish maqsadida qaror qilingan.

• Toshkent
• issiq suv