2023-yil 1-apreldan Toshkent shahrida jamoat transporti uchun yangi tariflar e’lon qilinadi. Bu haqda prezident qarorida keltirib o‘tilgan.

Qarorda Xalq deputatlari Toshkent shahar kengashiga qulay, imtiyozli va bepul tariflar ishlab chiqish topshirilgan. Masalan, bir yo‘nalishdagi avtobusda bir soat ichida qilgan “peresadka”larga qarab imtiyozli va tekin tariflar qo‘llanilishi mumkin.

Shuningdek, bir kunlik limitli va limitsiz, 1, 3 va 6 oylik hamda yillik tariflar joriy etiladi. Bunda transport turining ahamiyati yo‘q.

Qolaversa, yo‘l haqi uchun elektron to‘lov tizimidan foydalanilsa, yengillik berilishi ko‘zda tutilyapti.

Poytaxtda jamoat transporti uchun narxlar so‘nggi marotaba 2019-yilning avgust oyida 1200 so‘mdan 1400 so‘mga oshirilgan edi. 2021-yilda ham narxni ko‘tarishga urinib ko‘rishgan, ammo amalga oshmagan.

• Jamoat transporti
• Toshkent