Qashqadaryo viloyati Gʻuzor tumanida yashovchi 26 yoshli (ayol) M.M. ariza bilan murojaat qilib, nomaʼlum shaxslar tomonidan 38 mln 402 ming soʻm pullari talon-toroj qilinganini maʼlum qilib, aybdor shaxsga nisbatan qonuniy chora koʻrishni soʻragan.
Oʻtkazilgan tezkor-qidiruv tadbirlari natijasida, ushbu jinoyatni Toshkent shahri Mirobod tumanida yashovchi 31 yoshli (ayol) Yu.O. sodir etganligi aniqlangan.
Unga koʻra, Yu.O. jabrlanuvchi M.M. bilan Telegram messenjeri orqali oʻzini “Yulduz Oyxoʻjayeva” deb tanishtirgan va “Qora kassa guruhiga aʼzo boʻlishni istasangiz sizga yuborilgan havolaga maʼlumotlaringizni kiritishingiz kerak deb”, M.M.ga yashirin havola yuborish orqali uning plastik kartasi maʼlumotlariga ega boʻlgan.
Shundan soʻng, M.M.ning bank karta maʼlumotlarini qoʻlga kiritish natijasida uning 38 mln 402 ming soʻm pul mablagʻlarini oʻzlashtirgani maʼlum boʻlgan.
Yu.O.ga nisbatan Oʻzbekiston Respublikasi JKning 169-moddasi 2-qismi bilan jinoyat ishi qoʻzgʻatilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!