Toshkent shahrining Olmazor tumanida rashk sabab inspektorni pichoqlab o‘ldirgan erkakka nisbatan sud hukmi o‘qildi.
Qayd etilishicha, holat 2022-yil noyabr oyida sodir bo‘lgan. Sudlanuvchi rashk sababli inspektorni o‘ldirgan. U pichoqni jabrlanuvchining son qismiga va ko‘krak sohasiga tiqib olgan. Sudlanuvchining sha’riy nikohidagi ayol o‘sha kuni inspektorning mashinasida bo‘lgan. Ortidan esa eri kuzatib kelib, ushbu qotillikni sodir etgan. Ayol bu voqeada hech qanday aybi yo‘qligini ma’lum qilgan.
Shuningdek, sudlanuvchi ham voqea haqida gapirib, o‘zining jabrdiyda ekanini ta’kidlagan.
“Lacetti ayolimning mahallasiga kirib ketdi. Ayolim uydan chiqib, uning mashinasiga o‘tirdi va ketishdi. Men ortidan bordim. Mashinadan tush, dedim u bolaga. Bir-birimizni kurakda turmaydigan gaplar bilan haqoratladik. Ko‘tarib bo‘lmadi, qo‘limdagi pichog‘im bilan son qismiga bitta tiqdim. Baqir-chaqir bo‘ldi. Pichoqni olib ketdim. Internetda hozir menga nisbatan yolg‘on xabarlar bo‘lyapti. Ikkinchi pichoqni men urmadim. Qars ikki qo‘ldan chiqadi. U ko‘zini qisibdi, bu ipini uzibdi. Men bu yerda haqiqiy jabrdiydaman”, – deydi ayblanuvchi.
Marhumning otasi esa jinoyatchiga og‘ir jazo berilishini so‘ragan.
Ma’lum qilinishicha, ayblanuvchi sud hukmi bilan 14,5 yil muddatga ozodlikdan mahrum etilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!