Turkiyada yangi turmush qurgan kelin-kuyov to‘ylarini futbol o‘yinini tomosha qilish uchun to‘xtatdilar. Yevropa chempionatida Turkiya va Portugaliya terma jamoalari bahs boylagan.

Juftlik televizorni zalning o‘rtasiga olib kelib, mehmonlar bilan birga o‘yinni tomosha qilgan. Uchrashuv bir yarim soat davom etgan va to‘y mehmonlari ham oxirigacha futbol ko‘rishgan.

Raqib turkiyalik sportchilardan 3:0 hisobida ustun keldi. G‘oliblar safida Bernardu Silva va Bruno Fernandes gol urdi. Yana bir golni Turkiya terma jamoasi himoyachisi o‘z darvozasiga kiritdi.

Bu mag‘lubiyatdan keyin umrida bir marotaba bo‘ladigan to‘y bazmini futbol ko‘rib o‘tkazgan juftlik afsus chekishmadi, deb umid qilamiz.

• qiziqarli