Joriy yilning yanvar va fevral oylarida xalqaro hamkorlar Ukrainaga budjet yordami sifatida 6,3 milliard dollar o‘tkazdilar. Bu haqda payshanba kuni Oliy Rada deputati Yaroslav Jeleznyak ma'lum qildi.

"Fevral oyida bizning budjetimizga xalqaro yordam 75,6 milliard grivnani (2 milliard dollar) tashkil etdi. 2023-yilning ikki oyi ichida biz allaqachon 230,8 milliard grivna (6,3 milliard dollar) oldik", deb yozdi u Telegram- kanalida.

Deputatga ko‘ra, Kiyev Yevropa Ittifoqidan 3,2 milliard dollar, AQShdan 2,2 milliard dollar va Buyuk Britaniyadan 498 million dollar olgan.

Avvalroq Ukraina bosh vaziri Denis Shmixal Forbes jurnalining Ukraina nashriga bergan intervyusida bu yil budjet taqchilligi 38 milliard dollarni tashkil etganini ma’lum qilgan edi. U Yevropa Ittifoqidan 18 milliard dollar miqdoridagi makromoliyaviy yordam allaqachon ajratilganiga aniqlik kiritgan edi. Sentabrgacha mamlakat AQShdan 10 milliard dollar olishi kerakligini e'lon qildi. Shuningdek, Norvegiyadan besh yil davomida 7,5 milliard dollar, bu yil Kanadadan 1,5 milliard dollar va boshqa mamlakatlardan kichikroq kreditlar ajratish bo‘yicha kelishuvlar ham bor. Uning so‘zlariga ko‘ra, barcha kelishuvlarni hisobga olgan holda, defitsitni yopish uchun Ukrainaga yana 5 milliard dollarga yaqin mablag‘ kerak bo‘lib, u Xalqaro valyuta jamg‘armasidan olinishi rejalashtirilgan.

• Moddiy yordam
• Ukraina
• Urush