Ukraina mudofaa vaziri o‘rinbosari Anna Malyar Ukraina qo‘shinlari Donetsk viloyatining Avdiyivka shahri yaqinidagi Opytne qishlog‘ining bir qismini ozod qilganini ma’lum qildi.

Ukraina askarlarining Avdiyivka shahri yaqinidagi Opytne qishlog'ida oldinga siljish bo'lganini ifoda etgan Malyar, "Mudofaa kuchlarimiz bu aholi punktining bir qismini ozod qildi" dedi.

Uning aytishicha, ukrainalik askarlar o‘tgan haftada Donetsk viloyatidagi Novomayorske yaqinida qisman muvaffaqiyatga erishib, qo‘lga kiritgan pozitsiyalariga joylashgan.

Bahmut yo'nalishida Klishiyivka va Andriyivka yaqinida qo'shinning muvaffaqiyatga erishganiga e'tibor qaratgan Ukraina mudofaa vaziri o‘rinbosari, mamlakat armiyasi rus askarlarini bu aholi punktlaridagi pozitsiyalaridan qaytarganini va oldinga siljganini qayd etdi.

Malyar, o'tgan hafta Bahmut yo'nalishida yana 2 kvadrat kilometr maydonning qutqarilganini ma'lum qilib, shu kungacha bu yo'nalishda qutqarilgan umumiy maydonning 49 kvadrat kilometr ekanligini ta’kidladi.

Shuningdek, u Ukraina armiyasining janubdagi Robotino va Verbove aholi punktlarida muvaffaqiyat bilan oldinga siljganini ifoda etib, Ukraina askarlarining o'tgan hafta janubda 1,5 kvadrat kilometrlik maydonni ozod qilganini ham ma'lum qildi.

• Rossiya
• Ukraina
• ozodlik