Rossiya janubdagi muhim shahardan toʻliq chiqib ketganini eʼlon qildi.

Ijtimoiy tarmoqda e’lon qilingan videoda mahalliy aholi ukrainalik askarlarni Xersonda xursandchilik bilan kutib olishgani aks etgan.

Videoda mahalliy aholining ko‘chalarda Ukraina davlat bayrog‘ini ko‘tarib, Kiyev qo‘shinlari yetib kelgan chog‘ida qo‘shiq aytayotgani aks etgan.

Bundan tashqari mamlakat prezidenti Vladimir Zelenskiy Xerson “Ukraina shahri” ekanini aytgan.

Xerson fevral oyidagi bosqindan keyin Rossiya tomonidan bosib olingan yagona mintaqaviy poytaxt edi.
Keltirilishicha, chekinish urushning eng katta muvaffaqiyatsizliklaridan biri sifatida ko‘rilgan.

Moskva hududdan 30 ming xodim, shuningdek, 5 mingga yaqin harbiy texnika, qurol-yarog‘ va boshqa mol-mulk olib chiqib ketilganini aytdi.

Ma’lumotlarga ko‘ra, Ukraina qo‘shinlar Dnepr daryosining g‘arbiy qirg‘og‘igacha oldinga siljigan.

Bundan tashqari daryoning asosiy o‘tish joyi - Antonivskiy ko‘prigi qisman qulagan, lekin qanday qilib zarar yetkazilgani noma’lumligicha qolmoqda.

Shuningdek, Xersonni egallab olgan rus qo‘shinlari daryoning sharqiy tomonida yangi pozitsiyalarni egallashi taxmin qilinmoqda.

Prezident Zelenskiy kechki murojaatida Xerson aholisi “kutayotganini” va “Ukrainadan hech qachon voz kechmaganini” aytgan.

• Rossiya
• Ukraina
• Xerson