Rossiya Telegram sahifalarining xabar berishicha, portlash ovozlari “Gorbunov” nomidagi aviatsiya zavodi va yaqin atrofdagi “Borisoglebskoye” aerodromi hududida eshitilgan.

Rossiya Mudofaa vazirligi dushanbaga o‘tar kechasi mamlakatning yetti hududida 31 ta ukrain droni urib tushirilganini e’lon qilgan. Qayd etilishicha, ulardan faqat bittasi – Tatariston hududida urib tushirilgan. Dronlar hujumi vaqtida Qozon, Nijnekamsk va Ijevsk aeroportlari vaqtinchalik reyslarni qabul qilish va jo‘natishni to‘xtatgan.

“Havo porti vaqtincha reyslarni qabul qilmaydi va jo‘natmaydi. Samolyot ekipajlari, havo harakatini boshqarish va aeroport xizmatlari parvozlar xavfsizligini ta’minlash uchun barcha zarur choralarni ko‘rmoqda – bu ustuvor vazifa”, – degan Rosaviatsiya vakili Korenako.

“Gorbunov” nomidagi Qozon aviatsiya zavodi Rossiyaning yirik aviatsiya sanoati korxonalaridan biri hisoblanadi. Ushbu zavodda Tu-160 strategik raketa tashuvchi samolyotlari va uzoq masofaga mo‘ljallangan Tu-22M3M, Tu-22M3 bombardimonchi samolyotlari ishlab chiqariladi.

• Havo hujumi
• Rossiya
• Ukraina
• aviatsiya
• dron