Ukraina armiyasining ma’lum qilishicha, 8-oktyabr kuni Rossiya tungi hujumda ikkita “Iskander-M” ballistik raketasi va 19 ta dronni uchirgan.

Qayd etilishicha, Ukraina Harbiy-havo kuchlari 18 ta dronni urib tushirgan, oxirgisi esa Rossiyaga qaytib ketgan.

Odessa gubernatori Oleg Kiper Chornomorsk shahrida uchuvchisiz samolyot hujumi natijasida ko‘p qavatli uyda yong‘in kelib chiqqanini aytgan, biroq qurbonlar haqida ma’lum qilinmagan.

Kiper shuningdek, Odessadagi ishlab chiqarish korxonasida yong‘in sodir bo‘lgani haqida ham xabar bergan.

Bundan tashqari, Rossiya raketasi Odessa portida Palau bayrog‘i ostidagi kemaga kelib urilgani oqibatida bir ukrainalik halok bo‘lgan, yana besh nafari jarohatlangan.

• Rossiya
• Ukraina
• dron