British Times gazetasidagi xabarga ko‘ra, Kiyevda AQShda ishlab chiqarilgan 50 ga yaqin uzoq masofali taktik ATACMS raketalari bor.

“Pentagon hech qanday ma’lumot bermagan bo‘lsa-da, Kiyev hukumatida hozir atigi 50 ga yaqin raketa bor deb taxmin qilinmoqda”, – deyiladi xabarda.

Ukraina ommaviy axborot vositalarining ta’kidlashicha, 9-noyabr kuni Ukraina Qurolli kuchlari Rossiya hududini xalqaro miqyosda tan olingan chegaralari ichida birinchi marta ATACMS ballistik raketalari bilan urishgan. Biroq Ukraina Bosh shtabi bu ma’lumotni tasdiqlamagan.

Rossiya Mudofaa vazirligi Ukraina armiyasi Rossiyaning Bryansk viloyatida 6 ta ATACMS raketasini uchirganini e’lon qildi. 19-noyabrga o‘tar kechasi havo hujumidan mudofaa tizimlari bu hujumning oldini olgan.

Vazirlik urib tushirilgan raketalarga tegishli qismlar Bryansk viloyatidagi harbiy obyektning texnik joyiga tushgani, natijada yong‘in chiqqani va yong‘in tezda o‘chirilgani, qurbonlar yoki vayronagarchiliklar yo‘qligi haqida ma’lumot bergan.

• Rossiya
• Ukraina