Ukrainadagi mojaro nafaqat Rossiyaning, balki turli davlatlarning “imperiya manfaatlarini” o‘z ichiga oladi. Bu haqda Rim papasi Fransisk “La Repubblica” gazetasiga bergan intervyusida aytib o‘tdi.

“U yerda nafaqat Rossiya, balki boshqa mamlakatlar ham imperatorlik manfaatlariga aloqador. Bu xalqlarni surib chiqarish ruhida amalga oshiriladi”, – dedi u.

Pontifik Ukraina mojarosini “hozirgi jahon urushi” deb atadi. Unga ko‘ra, janglarda “barcha yirik davlatlar” ishtirok etmoqda, ushbu mamlakat esa “jang maydoni”ga aylangan. Rim papasi, shuningdek, qurol ishlab chiqarish va yetkazib berishni ham qoraladi.

Rim papasi Rossiya prezidenti Vladimir Putin bilan uchrashish istagini tasdiqladi va uni “madaniyatli odam” deb atagan.

Avvalroq Rim papasi Rossiya va Ukrainani harbiy harakatlarni to‘xtatib, bir necha bor muzokaralar stoliga o‘tirishga chaqirgan edi. Agar 2022-yil sentyabr oyida Rim papasi Ukrainaga mamlakat mudofaasi uchun qurol yetkazib berishni "ma’naviy jihatdan maqbul" deb hisoblagan bo‘lsa, yanvar oyida u Kiyevga tanklarning yuborilishini tanqid qilgan edi.

18-dekabr kuni ABC telekanaliga bergan intervyusida Fransisk Ukrainadagi janglar jahon urushi ekanligini e’lon qilgan va “ko‘p qo‘llar urush qozoniga aralashayotganini” ta’kidlagan.

• Rim papasi
• Rossiya
• Ukraina