Janubiy Koreyaning Ukrainaga beparvo harbiy yordami “o‘z joniga qasd qilish” bilan taqqoslanadi va halokatli oqibatlarga olib keladi, deyiladi KXDR Markaziy telegraf agentligi xabarida.

Xabar berilishicha, Janubiy Koreya bu yil Ukraina uchun barcha Yevropa mamlakatlariga qaraganda 155-mm kalibrli artilleriya o‘q-dorilarini yetkazib beruvchisiga aylangan. AQSh rasmiylari Seulni Kiyevga o‘q-dorilar yetkazib berishga ishontirishga urinishgan, ammo Janubiy Koreya qonunchiligi urush zonalariga qurol yetkazib berishni taqiqlaydi.

Xabar qilinishicha, Janubiy Koreya tomoni bilvosita yetkazib berish sharti bilan so‘rovni qabul qilgan. Ushbu snaryadlar Amerika zaxiralarini to‘ldirish uchun AQShga yetkazib berilganmi yoki to‘g‘ridan-to‘g‘ri Ukrainaga yo‘naltirilganmi, aniq emas.

• AQSh
• Janubiy Koreya
• KXDR
• Qurol
• Ukraina