Ukrainaning jonivorlarni himoya qilish bilan shugʻullanuvchi “UAnimals” tashkiloti maxsus oʻyin uyushtirilishi va undagi bosh yutuq Gollivud aktyori Leonardo Di Kaprioning dastxati ekanligini maʼlum qildi. Kompaniya oʻyindan tushgan mablagʻni Ukrainadagi urushdan jabr koʻrgan jonivorlarga yordam berish uchun yoʻnaltiradi.

Oʻyinda ishtirok etish uchun 300 griven (tahminan 110 ming soʻm) miqdoridagi toʻlovni amalga oshirish kerak. Gʻolib oʻyin ishtirokchilari orasidan tasodifiy usulda aniqlab olinadi.

Leonardo Di Kaprioning dastxati “UAnimals” tashkilotiga amerikalik kollektsioner Aleks Krilov tomonidan taqdim etilgan, u koʻp yillardan beri jahon tan olgan yulduzlar va taniqli shaxslarning dastxatlarini yigʻish bilan shugʻullanib keladi.

Di Kaprioning dastxati maxsus ekspertizadan oʻtkazilgan, uning haqiqiy ekanligini isbotlovchi sertifikat ham mavjud.

• Kino
• gollivud
• mashhurlar