Visa va Mastercard xalqaro to‘lov tizimlari Rossiyadagi faoliyatini to‘xtatganini e’lon qildi.
“Rossiyaning Ukrainaga bostirib kirishi va biz guvohi bo‘lib turgan bugungi voqealar tufayli ushbu qadamni qo‘yishga majburmiz. Mazkur urush hamda tinchlikka va barqarorlikka doimiy tahdidlar bizdan qadriyatlarimizga muvofiq javob berishni talab qiladi”, – deyiladi Visa bayonotida.
“Barchamiz uchun yanada ijobiy, samarali va tinch kelajak umidida ushbu qadamni tashlab, boshqa ko‘pchilikka qo‘shilyapmiz”, – deyiladi Mastercard izohida.
RBC xabariga ko‘ra, to‘lov tizimi kartalari Apple Pay va Google Play hamyonlarida ham ishlashni to‘xtatdi.
Biroq bu qarorlar Rossiyadagi kartalarning ishlashiga ta’sir qilmaydi, deb ma’lum qildi Sberbank. Faqat chet elda va xorijiy onlayn-do‘konlarga to‘lovlar cheklanadi.
Chet elga sayohat qilishda Markaziy bank naqd valyutani va u qabul qilinadigan mamlakatlar uchun Mir kartasini olishni maslahat beradi. Bu mamlakatlar – Turkiya, Vetnam, Armaniston, Belarusiya, Qozog‘iston, Qirg‘iziston, Tojikiston, Janubiy Osetiya va Abxaziya.
Bundan tashqari, Xitoyning UnionPay tizimi ham Rossiyada ishlaydi. U 2006-yilda paydo bo‘lgan. Bunday kartalar dunyoning 160 taga yaqin mamlakatida qabul qilinadi, lekin barcha do‘konlar va bankomatlarda emas.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!