Uchrashuvda davlat rahbari asosiy e’tiborni Rossiya harbiy tajovuzini to‘xtatish va tinchlikni tiklashga qaratdi. Bu haqda Ukraina prezidentining rasmiy sayti xabar bermoqda.

“Adolatli tinchlikka erishishning aniq va real algoritmi Ukraina tinchlik formulasida belgilangan”, – deydi Zelenskiy.

U Rim papasi Fransiskdan tinchlik formulasini amalga oshirish, xususan, oziq-ovqat xavfsizligi, mahbuslar, deportatsiya qilinganlarni ozod qilish va adolatni tiklash masalalarida har tomonlama ko‘maklashishni so‘radi.

Uning fikricha, urush Ukraina hududida ketayotgani uchun tinchlik rejasi faqat Ukraina bo‘lishi mumkin.

Volodimir Zelenskiy Papani Rossiyaning Ukrainaga qarshi harbiy tajovuzini aniq qoralashga chaqirdi hamda qurbon va tajovuzkor o‘rtasida tenglik bo‘lishi mumkin emasligini ta’kidladi.

Uchrashuvning alohida mavzusini ukrainalik bolalarni Rossiya Federatsiyasiga o‘g‘irlash va deportatsiya qilish bilan bog‘liq jinoyatlar tashkil etgan.

Shuningdek, Volodimir Zelenskiy Rossiya terroridan aziyat chekayotgan barcha ukrainaliklarni duo bilan qo‘llab-quvvatlash va mamlakat tuprog‘iga kirib kelayotgan yovuzlikka qarshi kurashish uchun Rim papasi Fransiskni Ukrainaga taklif qildi.

• Rossiya
• Siyosat
• Ukraina