Turkiyalik kinoijodkorlar tomonidan suratga olingan “Muhtasham yuz yil” seriali yulduzi Xalit Erganch ushbu serialdagi bosh qahramonlardan biri – Xurramning qaysi jihatlari bilan Sultonni oʻziga rom qila olganini tushuntirib berdi.

Ijodkorning taʼkidlashicha, obrazga kirish uchun qoʻlidan kelganicha harakat qilgan va uning nima uchun Xurram Sultonga bogʻlanib qolganini tushungan.

“Xurramning boshqalardan farqli jihati –uning kuchli ayol ekanligida boʻlgan. Ehtimol, Xurramning aqliy salohiyati Sulaymonnikidan qolishmagandir. Oʻsha vaqtga qadar Sultonning atrofida bunday kuchli ayol boʻlmagan”, deydi Xalit Erganch.

Aktyorning fikricha, sulton haramida hayot kechirgan ayollar bir-birlaridan deyarli farq qilmagan. Xurram esa ularning barchasidan ajralib turgan va shu jihati bilan Sulaymonni oʻziga rom etgan.

• Kino
• Serial
• mashhurlar