29°
Kechasi 15°
Transport vaziri o‘rinbosari Xitoy korporatsiyasiga Toshkent, Samarqand va Qo‘qon shaharlarida joylashgan temir yo‘l vokzallarini davlat-xususiy sheriklik asosida modernizatsiya qilish va boshqarish loyihasi hamda transport sohasidagi boshqa istiqbolli loyihalarda ishtirok etishni taklif qilgan.
Xitoyning “Sino Road and Bridge Corporation” korporatsiyasi O‘zbekistonda transport infratuzilma loyihalarida ishtirok etishga qiziqish bildirmoqda. Bu haqda Transport vazirligi matbuot xizmati xabar berdi.
2-aprel kuni transport vaziri o‘rinbosari Jasurbek Choriyev ushbu korporatsiyaning xorijiy bo‘limi ijrochi bosh direktori Djimmi Chang boshchiligidagi delegatsiya vakillari bilan uchrashgan.
Tomonlar transport sohasidagi investitsiya loyihalarini amalga oshirishda Xitoy kompaniyasining ishtirok etish imkoniyatlari yuzasidan fikr almashgan.
Jumladan, Djimmi Chang Sino Road and Bridge Corporation korporatsiyasi temiryo‘l, aviatsiya va yo‘l xo‘jaligi infratuzilmalarini rivojlantirish loyihalarida ishtirok etishdan manfaatdorligini bildirgan.
Transport vaziri o‘rinbosari Sino Road and Bridge Corporation korporatsiyasiga Toshkent, Samarqand va Qo‘qon shaharlarida joylashgan temir yo‘l vokzallarini davlat-xususiy sheriklik asosida modernizatsiya qilish va boshqarish loyihasi hamda transport sohasidagi boshqa istiqbolli loyihalarda ishtirok etishni taklif qilgan.
Uchrashuv yakunida transport vaziri o‘rinbosari muhokama etilgan loyihalar yuzasidan Sino Road and Bridge Corporation korporatsiyasiga har ikki tomon uchun manfaatli bo‘lgan aniq takliflarni ishlab chiqish zarurligini aytgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
