Xitoy sharqidagi Xedzie shahriga kelib tushgan tornado oqibatida besh kishi halok bo‘ldi. 80 ga yaqin kishi jarohatlandi, deb xabar beradi “Zakon.kz”.

Tornado natijasida 88 kishi turli darajada tan jarohati olgan. Ulardan besh nafari shifokorlarning urinishlariga qaramay halok bo‘ldi, deb yozadi mahalliy “Sinxua” agentligi.

Dastlabki statistik ma’lumotlarga ko‘ra, tornado oqibatida jami 2820 ta bino va 48 ta elektr uzatish liniyalari shikastlangan.

Kuchli ta’mirlash ishlari natijasida transport kommunikatsiyalari, aloqa, suv va elektr ta’minoti asosan tiklangan. Ayni paytda mahalliy qidiruv-qutqaruv xizmati xodimlari tomonidan jabrlanganlarni evakuatsiya qilish va joylashtirish ishlari olib borilmoqda, mutaxassislar tomonidan yetkazilgan zarar har tomonlama o‘rganilmoqda.

Xitoy Milliy iqlim markazi ma’lumotlariga ko‘ra, Shandun provinsiyasida har yili o‘rtacha 1,5 ta tornado sodir bo‘ladi.

• Xitoy
• tornado