Xitoyning Pekin shahrida bo‘lib o‘tadigan uchinchi “Bir kamar, bir yo‘l” forumiga 130 ta davlat va 30 ta xalqaro tashkilot vakillari tashrif buyuradi.

“Bir kamar, bir yo‘l” loyihasining uchinchi forumi tashabbusning 10 yilligiga bag‘ishlandi. Dastlab, tadbir 15-17-oktyabr kunlari o‘tkazilishi rejalashtirilgan edi, ammo keyinchalik sanalar 17-18-oktyabrga ko‘chirildi. Uchrashuvlarning asosiy mavzusi “Bir kamar, bir yoʻlning yuqori sifatli birgalikda qurilishi va umumiy taraqqiyot hamda farovonlikka erishish uchun birgalikdagi saʼy-harakatlar” boʻladi.

Xitoyning Global Times nashri xabariga ko‘ra, forumga 130 dan ortiq davlatdan delegatsiyalar va 30 ta xalqaro tashkilot vakillari taklif etilgan. Tadbir mehmoni Rossiya yetakchisi Vladimir Putin bo‘lib, tashrif doirasida Xitoy Xalq Respublikasi rahbari bilan uchrashishi rejalashtirilgan.

Biroq Fransiya va Germaniya yetakchilari Emmanuel Makron va Olaf Shols taklifnoma olmagan. Italiya yetakchisi Giorgia Meloni ham taklif qilinmagan.

2017-yilda 130 ta davlat vakillarini birlashtirgan “Bir kamar va bir yoʻl” birinchi forumi boʻlib oʻtgan. 2019-yilda koronavirusdan oldingi ikkinchi forumga Yevropa, Osiyo va Afrikaning 150 ta davlatidan delegatsiyalar tashrif buyurdi. Uchinchi yig‘ilish 2021-yilga mo‘ljallangan edi, biroq koronavirus pandemiyasi tufayli qoldirildi.

• Makron
• Osiyo
• Putin
• Xitoy