“Xitoyning Changchun shahrida bo‘lib o‘tgan havo shousi mashqlari paytida ikkita uchar mashina to‘qnashdi”, – deya xabar bermoqda Bloomberg.

Ma’lumotlarga ko‘ra, ikkala qurilma ham Xitoyda taniqli elektr avtomobil ishlab chiqaruvchi Xpeng Inc. kompaniyasi tomonidan ishlab chiqilgan. Ushbu hodisa havoda bunday texnologiyadan foydalanish xavfsizligi to‘g‘risida savollar tug‘dirmoqda. Uchish paytida vertikal uchish va qo‘nish elektr transport vositalaridan biri yonib ketgan, ikkinchisi esa muvaffaqiyatli qo‘ngan.

Avvalroq, XPeng Motors 2026-yilga qadar uchar transport vositalarini ishlab chiqarish rejalarini e’lon qilib, ushbu transport vositalarining boshqaruv tizimi sun’iy intellekt texnologiyalarini o‘z ichiga olishi haqida ma’lumot bergan edi. Mashinalarni hozirda Xitoyda buyurtma berish mumkin. Ommaviy ishlab chiqarish esa 2026-yilda boshlanadi.

• Aviahalokat
• Xitoy