Eron poytaxti Tehron shahrida havoning jiddiy ifloslanishi sabab 24–25-noyabr kunlari barcha maktab va oliy o‘quv yurtlari faoliyati vaqtincha to‘xtatildi.

Ma’lum qilinishicha, bunday qaror aholi salomatligini muhofaza qilish maqsadida qabul qilingan. Havo sifatini nazorat qilish tashkiloti ma’lumotlariga ko‘ra, poytaxtda 2025-yil boshidan buyon bor-yo‘g‘I 6 kun toza havo kuzatilgan.

Mutaxassislar mahalliy aholini ehtiyot choralariga rioya qilishga va iloji boricha ochiq havoda bo‘lishni cheklashga chaqirmoqda.

Ma’lumot uchun, IQAir platformasiga ko‘ra, Tehron shahri ayni dam havo ifloslanishi bo‘yicha dunyoning poytaxt va boshqa yirik shaharlari reytingida 10-o‘rinda turibdi. Toshkent esa 8-o‘rinni “band” etgan.

• Eron
• Havo
• Ifloslanish