Ekologiyani yaxshilash maqsadida mutasaddi tashkilotlar mutaxassislaridan iborat guruhlar olib borgan reydlar natijasida, kamchiliklarga yo‘l qo‘ygan korxonalarga tegishli choralar ko‘rilmoqda.

O‘zbekiston Respublikasi Prezidentining ekologiya masalalari bo‘yicha maslahatchisi – Ekologiya va iqlim o‘zgarishi milliy qo‘mitasi raisi, Maxsus komissiya rahbari Aziz Abduhakimov:

“Olib borilgan reyd tadbirlari davomida jami 331 ta korxona tekshirildi. Ulardan havoni ifloslantirayotgan 35 ta obyektning faoliyati 10 kunga vaqtinchalik to‘xtatildi.

Kamchiliklarni ushbu muddatda bartaraf qilmagan korxonalar faoliyati to‘liq to‘xtatilib, bu yuzasidan sud hujjatlari tayyorlanmoqda.

Ushbu kamchiliklarni bartaraf qilmagan “Maxam-Chirchiq” AJ faoliyati sud qaroriga muvofiq to‘liq to‘xtatildi.

Toshkent shahar va Toshkent viloyatidagi 434 ta qurilish tashkilotlari rasman ogohlantirildi. 50 tasiga nisbatan tegishli choralar ko‘rildi. 2056 nafar huquqbuzarlarga tegishli jarimalar qo‘llanildi.

Mazkur olib borilgan nazorat natijalari ta’sirida Toshkent shahar havosining ifloslanish darajasi bir muncha kamayishga erishildi”.

So‘nggi kunlarda davlat tomonidan aholi salomatligini asrash yo‘lida poytaxt havosi sifatini yaxshilash uchun qilingan amaliy ishlar o‘z natijasini berib, ekologiyani bir muncha yaxshilanishiga erishildi.

• Davlat ekologiya qo'mitasi
• Toshkent