Samarqand viloyati Urgut tumanida maktab o‘qituvchisi mast fuqaro tomonidan kaltaklandi. Holatga viloyat Maktabgacha va maktab ta’limi boshqarmasi rasmiy munosabat bildirdi.

Ma’lum qilinishicha, voqea joriy yilning 27-oktyabr kuni tumandagi 112-umumta’lim maktabida sodir bo‘lgan. Maktab rahbariyati tomonidan holat yuzasidan tuman ichki ishlar bo‘limiga xabar berilgan va o‘qituvchi tibbiyot birlashmasiga yetkazilgan.

Ayni paytda uning ahvoli yaxshi ekani va holat nazoratga olingani ta’kidlandi. Holat bo‘yicha hozirda huquqni muhofaza qiluvchi organlar tomonidan tegishli surishtiruv ishlari olib borilmoqda.

• Kaltaklash
• O‘qituvchi
• Samarqand