Dunyodagi eng yirik radioteleskop – FAST xitoylik astronomlarga 660 dan ortiq yangi pulsarlarni aniqlashda yordam berdi, deya xabar beradi “Xinhua” axborot agentligi.

Pulsarlar elektromagnit nurlanishning qat’iy davriy impulslar chiqaradigan va yuqori tezlikda aylanadigan neytron yulduzlari bo‘lib, ular massiv o‘layotgan yulduzlarning portlagan yadrolaridan o‘ta yangi yulduz portlashlari paytida hosil bo‘ladi. Yuqori zichlik va tez aylanish tufayli ular olimlarga fizika qonunlarini o‘rganish uchun ideal sharoitlarni ta’minlaydi, deb ishoniladi.

“FAST radioteleskopi yordamida tadqiqot va kuzatish uskunalarning barqaror ishlashi tufayli oltin davrga kirdi. Yetarli kuzatuv vaqti va ajoyib qabul qilish qobiliyati FASTga boshqa radio teleskoplarga qaraganda yaxshiroq ishlash imkonini berdi”, – dedi FAST bosh muhandisi Jiang Peng.

FAST (Besh yuz metr diafragma sferik radio teleskopi) ulkan radioteleskopini qurish tashabbusi 1994 yilda xitoylik mutaxassislar tomonidan ilgari surilgan edi. Maydoni 30 ta futbol maydoniga teng (perimetri 1,6 kilometr va diametri 500 metr) teleskopning qurilishi 2011 yilning mart oyida boshlangan.

FAST 2016-yil sentyabr oyida Guychjou provinsiyasi, Syannan-Bui-Miao avtonom prefekturasi, Pingtang okrugining uzoq tog‘li hududida foydalanishga topshirildi. Bu hozirgacha Xitoyning eng qimmat astronomiya loyihasi bo‘lib, uning qiymati 1,2 milliard yuan (180 million dollar). U rasman 2020-yil yanvar oyida ishlay boshlagan va dunyodagi eng sezgir radioteleskop hisoblanadi.

• Astronomiya
• Quyosh
• Teleskop
• Xitoy