Amerikalik xonanda Jastin Timberleyk barcha qoʻshiqlariga egalik qilish huquqini 100 million AQSh dollari evaziga sotib yubordi. Endilikda ijrochining qoʻshiqlariga “Hipgnosis Song Management” fondi egalik qiladi.

Maʼlumotlarga koʻra, shartnomaga Timberleykka tegishli qoʻshiqlarning aksariyat qismi kiritilgan. Xonandaning oʻzida aynan qaysi qoʻshiqlar qolgani hozircha maʼlum emas. Eslatib oʻtamiz, ijodkorning 5 ta musiqiy albomi va 2 ta mini-albomi mavjud.

Shuningdek, NSYNC guruhi treklari (xonanda ushbu guruh aʼzosi boʻlgan) ham shartnomaga kiritilmagan. Timberleyk ushbu kompozitsiyalarning muallifi hisoblanmaydi.

Eslatib oʻtamiz, joriy yilning fevral oyida xonanda Sting qoʻshiqlarining mualliflik huquqini 250 million dollar evaziga sotib yuborgan edi.

• Shou-biznes
• mashhurlar