Yamanlik muhandis Hoshim al-Gailiy mehmonxona-samolyot loyihasini taqdim etib, barchani hayratga soldi. U aviatsiya sanoatini butunlay oʻzgartirishi mumkin boʻlgan “Sky Cruise” loyihasi ustida ish olib borgan.

“Sky Cruise” – uchar mehmonxona boʻlib, u bir vaqtning oʻzida bortga 5000 kishini sigʻdira oladi. Uchar kema yadroviy sintezga asoslangan 20 ta yadroviy dvigatel bilan ishlaydi. Bu karbonad angidrid muammosini hal qilishga yordam beradi.

Samolyot uchuvchi tomonidan boshqarilmaydi. Boshqaruv uchun sunʼiy intellekt javob beradi.

Samolyotda mehmonlar uchun zamonaviy liftlar, savdo markazlari, koʻngilochar majmualar, sport zallari, basseynlar, restoranlar, teatr va kinoteatrlar, muzokara zallari xizmat qiladi.

“Sky Cruise” mehmonlari turbulentlikni his qilmaydilar. Tebranish yuzaga kelgan holatda sunʼiy intellekt uni avtomatik ravishda bartaraf etadi.

• Loyiha
• ilm-fan
• ixtiro
• qiziqarli
• texnologiya