“Yandex” Rossiya va xorijdagi loyihalarga kiritilayotgan investitsiyalar qisqarishi yoki toʻxtatilishini maʼlum qildi, chunki bu mamlakatdagi sanksiyalar tufayli iqtisodiy tanazzulga yuz tutgan. Kompaniya, shuningdek, 2022-yilgi 500 milliard rubl atrofidagi daromad prognozini bekor qildi.

AQSh Qimmatli qog‘ozlar va birjalar komissiyasiga (SEC) yuborilgan kompaniyaning 2021-yilgi hisobotiga ko‘ra, Yandex o‘z biznesiga Rossiyada ham, xorijda ham rejalashtirilgan investitsiyalarni qisqartirgan. “Biz o‘z biznesimizga ichki va xalqaro miqyosda rejalashtirilgan investitsiyalarning ko‘pini qisqartirdik yoki to‘xtatib qo‘ydik”, deyiladi xabarda. 

Shuningdek, Yandex o‘zining yillik hisobotida 2022-yil uchun moliyaviy prognozini bekor qilishini e’lon qildi, bu yil uchun daromad taxminan 500 milliard rublni tashkil qiladi. “Hozirgi sharoitda bizning qisqa va oʻrta muddatli istiqbolga qarashimiz nihoyatda cheklangan. 2022-yil uchun oldingi prognozlarimizga endi tayanmaslik kerak va biz bu bosqichda hech qanday istiqbolli izoh bera olmaymiz”, deyiladi kompaniya bayonotida. 

• Investitsiya
• Jahon
• Rossiya
• Yandeks