“Bloomberg”: Yaponiya Bosh vaziri Kisida Hindistonni Rossiyaga qarshi qattiq choralar ko‘rishga ishontirishga qaror qildi
Yaponiya bosh vaziri Fumio Kisida Hindistonni Rossiyadan yuz o‘girish va Moskvaga nisbatan qattiq choralar ko‘rishga ishontirishga qaror qildi. Bu haqda “Bloomberg” xabar bermoqda.
Qayd etilishicha, Yaponiya yetakchisi Hindiston bosh vaziri Narendra Modi bilan uchrashuv chog‘ida kengroq va kuchli koalitsiya qurishda yordam so‘rab Hindistonga murojaat qilishi kutilmoqda. Kisida “Rivojlanayotgan davlat sifatida Hindistonning pozitsiyasini yaxshiroq tushunish” niyatida. Nyu-Dehli Tokioning Rossiyaga nisbatan umumiy til topish istagi haqida izoh berishdan bosh tortgan.
Hindiston Himolay tog‘laridagi bahsli chegarada Xitoy bilan harbiy qarama-qarshilikda bo‘lsa, Yaponiya Sharqiy Xitoy dengizidagi orollarga egalik qilish borasida Xitoy bilan to‘qnash kelmoqda. Tokio va Nyu-Dehli Pekinning mintaqadagi qat’iyatliligidan xavotirda bo‘lib, mudofaa va strategik munosabatlarini chuqurlashtirmoqda.
Avvalroq Modi G20 global kelishuv, urushlarning oldini olish va umumiy masalalar bo‘yicha xalqaro hamkorlikni rivojlantirishning asosiy maqsadlariga erishmayotganini aytgan edi. Siyosatchi G20 global keskinlikni bartaraf etishda muvaffaqiyatsizlikka uchraganini tan olgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!