Yaponiyada 2021-yil uchun tug‘ilish darajasi navbatdagi antirekord o‘rnatdi. Buni Yaponiya sog‘liqni saqlash, mehnat va farovonlik vazirligi juma, 3-iyun kuni e’lon qilgan ma’lumotlar tasdiqlaydi.

Maʼlumotlarga koʻra, oʻtgan yili 811 mingga yaqin chaqaloq tugʻilgan, bu 2020-yilga nisbatan 29 mingga kamdir. Ta’kidlanishicha, har bir yapon ayoliga 1,3 bola to‘g‘ri keldi, bu o‘tgan yilga nisbatan 0,03ga past. Ya’ni, mamlakatda Ikkinchi jahon urushi tugaganidan beri eng past ko‘rsatkich kuzatilgan. 

2053-yilga borib Yaponiya aholisi 100 millionga, 2065-yilga kelib 88 millionga kamayishi prognoz qilinmoqda, ularning 38 foizini 60 yoshdan oshganlar tashkil qiladi. 

• Chaqaloq
• Yaponiya
• rekord
• statistika