Kecha, 14-mart oqshomida Yevropa Chempionlar Ligasining 1/8 final javob uchrashuvlari doirasidagi ikki bellashuv oʻtkazildi.

Jumladan, oʻz maydonida Leypsig”ni qabul qilgan “Manchester Siti” raqib darvozasiga javobsiz 7 ta toʻp kiritgan holda, yirik hisobda gʻalaba qozondi. Eʼtiborlisi, uchrashuvda Erling Xoland penta-trik qayd etdi.

Shu tariqa, “shaharliklar” musobaqaning chorak finaliga yoʻl olishdi.

YeChL | 1/8 final bosqichi

“Manchester Siti” – “Leypsig” 7:0

Gollar: 1:0 – 22ʼ, penalti Xoland, 2:0 – 24ʼ Xoland, 3:0 – 45ʼ Xoland, 4:0 – 49ʼ Gundogan, 5:0 – 53ʼ Xoland, 6:0 – 57ʼ Xoland, 7:0 – 90ʼ De Bryuyne.

Dastlabki oʻyin – 1:1, umumiy natija – 8:1

Parallel bahsda “Portu” va “Inter” jamoalari oʻzaro toʻqnash keldi. Uchrashuvda nursiz durang qayd etildi va Milan klubi dastlabki uchrashuvdagi gʻalaba evaziga keyingi bosqichga yoʻl oldi.

“Portu” – “Inter” 0:0

Dastlabki oʻyin – 0:1, umumiy natija – 1:0

• Futbol
• YeChL