Yevropa Ittifoqi vakillari 15 ming ukrainalik askarni tayyorlash bo‘yicha Yevropa Ittifoqi missiyasini ishga tushirish bo‘yicha qaror qabul qildi.
Joriy yilning 14 noyabr kuni ular tartibsizliklarni bostirish uchun Eronga qarshi sanksiyalarni kuchaytirishni ham ko‘rib chiqadilar, Bolqondagi vaziyat va BMTning iqlim bo‘yicha xalqaro konferentsiyasini muhokama qiladilar.
Keltirilishicha, YeI Kengashi Ukrainani qo‘llab-quvvatlash missiyasini boshlash va uni moliyalashtirish tartibi to‘g‘risida rasmiy qaror qabul qiladi.
Missiya EUMAM Ukraine (Yevropa Ittifoqining Ukrainaga harbiy yordam missiyasi) deb nomlanadi. Bunday missiyani yaratish to‘g‘risidagi qaror bir oy avval, 17-oktabr kuni qabul qilingan.
O‘shanda Yevropa Ittifoqining tashqi ishlar va xavfsizlik siyosati bo‘yicha Oliy vakili Xosep Borrel ma’lum qilganidek, Yevropa Ittifoqi missiyasi 15 ming nafar ukrainalik harbiyni o‘qitishi kerak. Missiya 24 oyga mo‘ljallangan va unga 107 million yevro ajratilishi kerak.
Yevropa Ittifoqi tashqi ishlar xizmati maʼlumotlariga koʻra, missiya Ukraina Qurolli kuchlari va hududiy mudofaa boʻlinmalarini individual, jamoaviy va maxsus tayyorgarlikdan oʻtkazadi.
Shuningdek, Yevropa Ittifoqining Ukraina Qurolli kuchlari uchun o‘quv bazalari Germaniya va Polsha hududida joylashtiriladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!