Yevropa Ittifoqi Rossiya tomonidan Ukrainaga bo‘lgan bosqinning 3 yilligi munosabati bilan mamlakatga qarshi 16-sanksiyalar paketini tayyorlamoqda.

“2025-yil fevralida e’lon qilinishi kutilayotgan navbatdagi cheklovlarga tayyorgarlik allaqachon boshlangan”, – deb yozadi Welt am Sonntag nashri.

Bryusseldagi diplomatlarga ko‘ra, sanksiyalarning 16-paketi Moskvaga “aniq signal” sifatida nazarda tutilgan bo‘lib, u Rossiya iqtisodiyotining hozirgacha sanksiyalar umuman ta’sir qilmagan yoki yetarli darajada ta’sir ko‘rsatmagan sohalariga qarshi choralarni o‘z ichiga oladi.

“Ushbu sanksiyalar paketi Rossiya harbiy mashinasini va bu urushni amalga oshirayotganlarni, jumladan, Xitoy kompaniyalarini zaiflashtirishga qaratilgan”, — deya ta’kidlagan YeI diplomatiyasi rahbari Kaya Kallas.

Avvalroq, Yevropa Ittifoqining Rossiyaga qarshi 15-sanksiyalar paketi qabul qilingan edi.

• Rossiya
• Sanksiya
• Yevropa Ittifoqi