XAMAS guruhi Misr va Qatar taklif qilgan Isroil bilan 50 kunlik sulh taklifiga rozi bo‘ldi. Bu haqda Falastin harakati vakili Xalil al-Hayya xabar berdi.
Mazkur kelishuv XAMAS tomonidan ushlab turilgan 5 nafar garovdagilarni 50 nafar falastinlik mahbusga almashishni o‘z ichiga oladi.
Ikki kun oldin biz Misr va Qatardagi vositachilardan taklif oldik. Biz unga ijobiy yondashib, rozilik bildirdik, dedi Xalil al-Hayya.
U Isroil tomoni mazkur kelishuvni buzmasligiga umid bildirmoqda. Yahudiy xavfsizlik xizmatidagi manbalarga ko‘ra, Misr Isroildan yangi o‘t ochishni to‘xtatish taklifi bo‘yicha ijobiy ko‘rsatmalar olgan.
Ma’lumot uchun, 19-yanvar kuni Isroil va XAMAS G‘azo sektorida tinchlik o‘rnatish bo‘yicha kelishuvga erishgan edi. Unga asosan 33 nafar isroillik garovga olinganlar 1900 ga yaqin falastinlik mahbus evaziga ozod qilinishi kerak bo‘lgan. Mahbuslarning aksariyati Isroil qamoqxonalarida saqlanayotgan falastinliklar edi.
Umumiy hisobda XAMAS 16 nafar isroillikni ozod qildi, 17 nafari hamon guruh nazoratida qolmoqda. Isroil tomoni ulardan sakkiz nafari allaqachon halok bo‘lgani, 9 kishining ozod etilishiga umid qilayotganini bildirdi.
31°
Kechasi 18°
