Reuters ma’lumotlariga ko‘ra, delegatsiyaga vitse-prezident Jey Di Vensning rafiqasi Usha Vens rahbarlik qiladi. Uning tarkibga, shuningdek, AQSh prezidentining milliy xavfsizlik bo‘yicha maslahatchisi Mayk Uols va energetika vaziri Kris Rayt ham kiritilgan.

Tashrif 27-29-mart kunlari bo‘lib o‘tishi rejalashtirilgan bo‘lib, rasmiylar Qo‘shma Shtatlarning Grenlandiyadagi harbiy bazasini ko‘zdan kechirishni rejalashtirmoqda.

Grenlandiya bosh vaziri Mute Egede amerikaliklarning tashrifidan asl maqsad “kuch namoyishi” ekanligini va Vashington vakillari bilan hech qanday rasmiy uchrashuv o‘tkazilmasligini aytgan.

“Yaqin-yaqingacha biz amerikaliklarga ishonishimiz mumkin edi. Ular bizning ittifoqdoshimiz va do‘stimiz edi. Lekin bu davr o‘tib ketdi”, — deya fikr bildirdi Egede.

• AQSh
• Amaldorlar
• Tashrif