Yevropa Ittifoqi nomidan Yevropa komissiyasi (EC) Ukrainaga 2023-yil uchun yangi makro-moliyaviy yordam paketidan uch milliard yevro miqdoridagi birinchi yordamni taqdim etdi.
“Komissiya bugun Ukraina uchun 18 milliard yevrogacha bo‘lgan” makro-moliyaviy yordam” dan 3 milliard evro miqdoridagi birinchi to‘lovni ajratdi”, deyiladi xabarda.

Fransiya va Avstriya Ukrainaga yordamni kuchaytirish zarurligini ta’kidladilar.

9-noyabr kuni Yevropa komissiyasi Ukrainani 2023-yil uchun 18 milliard yevrogacha bo‘lgan yangi makro-moliyaviy kreditda qo‘llab-quvvatlash dasturini taklif qildi.

Yangi makro-moliyaviy yordam, Yevropa komissiyasining fikriga ko֥‘ra, imtiyozli shartlarda beriladigan, muddati 35 yilgacha bo‘lgan kreditlardan iborat bo‘ladi. Dastlabki o‘n yil ichida Greys davri ko‘zda tutilgan, ya’ni birinchi kredit to‘lovlari 2033-yildan boshlanadi.

Ushbu moliyaviy qo‘llab-quvvatlash paketining hajmi Yevropa Ittifoqi tarixidagi eng yirigi hisoblanadi, deb ta’kidladi Fon der Lyayen.

• Ukraina
• Yevrokomissiya
• Yevropa Ittifoqi