Youtube videoxostingi videolar ostidagi dizlayk tugmachasini olib tashlashga qaror qildi. Bu haqida 10 noyabr kuni kompaniyaning rasmiy blogi orqali maʼlum qilingan.

Xabar berilishicha, kompaniya joriy yilning yoz faslida tajriba oʻtkazib, platformada dizlayklar boʻlmasligi foydalanuvchilarga ijobiy taʼsir koʻrsatishini aniqlagan. Bunday holatda foydalanuvchilarning shunchaki muallifga nisbatan yaxshi munosabatda boʻlmaganlari uchun kontentga dizlayk bosish holatlari kamaygan. Bundan tashqari, kompaniya vakillari foydalanuvchilar u yoki bu videoni tomonga qilishda dizlayklar sonidan kelib chiqib tanlov qilmasliklarini ham qayd etishgan.

Maʼlumotlarga koʻra, videoga dizlayk bosish imkoniyati bundan keyin ham saqlab qolinadi, dizlayklar soni mualliflariga koʻrinib turadi va ularga oʻz kontentlarini tahlil qilishga imkon beradi. Ammo, foydalanuvchilarda bunday imkoniyat boʻlmaydi.

Kompaniya bu orqali “tomoshabinlar va mualliflar oʻrtasidagi hurmatga asoslangan munosabatni kafolatlash”ga umid bogʻlamoqda.

• texnologiya