2026-yil 17-avgust kuni soat 01:10 larda Andijon shahri Mashrab ko‘chasida xizmat olib borayotgan YPX xodimlari tomonidan Onix rusumli avtomashina haydovchisiga to‘xtash ishorasi berilgan.

Biroq haydovchi YPX xodimining qonuniy talabiga bo‘ysunmasdan, harakatini Lomonosov ko‘chasi tomon davom ettirgan. Harakat davomida haydovchi rul boshqaruvini yo‘qotishi oqibatida yo‘l chetida joylashgan do‘konga borib urilgan va yo‘l-transport hodisasi sodir bo‘lgan.

Hodisa joyiga yetib kelgan YPX xodimlari tomonidan haydovchining hujjatlari tekshirilganda, 1999-yilda tug‘ilgan U.M. avtomashinani tegishli hujjatlarsiz boshqarganligi hamda mazkur transport vositasiga nisbatan muddati o‘tgan 10 million so‘mdan ortiq miqdorda qarzdorlik mavjudligi aniqlangan.

Mazkur holat yuzasidan haydovchiga nisbatan O‘zbekiston Respublikasi Ma’muriy javobgarlik to‘g‘risidagi kodeksining 135-moddasi 2-qismi hamda 194-moddasi 1-qismi bilan ma’muriy bayonnoma rasmiylashtirilib, transport vositasi vaqtincha saqlash uchun jarima maydoniga joylashtirilgan.

Yo‘l-transport hodisasi oqibatida tan jarohati olganlar yo‘q. Avtomashinaga texnik shikast yetgan.

Ayni vaqtda Andijon shahar IIB YHXB xodimlari tomonidan mazkur holat yuzasidan belgilangan tartibda surishtiruv ishlari olib borilmoqda.

• Andijon
• YTH