“Lucasfilm” “Yulduzlar jangi” teleseriali ustida ishlamoqda. Bu haqda studiya rahbari Ketlin Kennedi “Empire” nashriga bergan intervyusida ma’lum qildi.

Uning ta’kidlashicha, bo‘lajak filmlar harakati davomiy trilogiyadan iborat bo‘lib, Rey, Finn va Po Dameron davrida sodir bo‘ladi. Davomli seriya esa Jorj Lukasning filmlari qahramonlariga qaratiladi.

Serialning ilk qismi 2023 yil oxirida chiqarilishi mumkin.

Kennedi, shuningdek, bir necha yil oldin e’lon qilingan yangi “Rian Jonson” trilogiyasi yaqin orada chiqarilmasligini, lekin ssenariy tayyor ekanligini tasdiqladi. Rejissyor hali ham kamida bir necha yil davomida Knives Out franshizasini ishlab chiqish bilan band.

“Yulduzlar jangi” – animasion seriallar, multfilmlar, televizion filmlar, kitoblar, komikslar, video o‘yinlar, o‘yinchoqlar va boshqa asarlar asosida yagona fantaziya olami doirasida yaratilgan. 70-yillar oxirida amerikalik rejissyor Jorj Lukas tomonidan suratga olingan.

Serial tarixdagi eng ko‘p daromad keltirgan filmlar franshizasi bo‘lib, faqatgi Marvel kompaniyasi filmlari undan oldingi o‘rinda turadi. 2020 yilda “Yulduzlar jangi” franshizasining umumiy qiymati 70 milliard AQSH dollariga baholangan va hozirda media olamidagi eng yuqori daromadli seriallar reytingida beshinchi o‘rinda turadi.

• Kino
• Serial