Kecha, 17-may kuni Parij shahrida Xalqaro Kann kinofestivali ish boshladi. Festivalning ochilish marosimida Ukraina prezidenti Volodimir Zelenskiyning videomurojaati namoyish etildi.

Prezidentning nutqi 10 daqiqadan koʻproq davom etgan. Zelenskiy Frensis Ford Koppolaning Vyetnamdagi urush haqidagi filmini yodga olgan, Charli Chaplinning “Buyuk diktator” filmidagi soʻzlaridan iqtibos keltirgan.

“Biz kurashishda davom etamiz. Ozodlik uchun jang qilishdan boshqa tanlovimiz yoʻq. Ishonamanki, diktator magʻlub boʻladi. Bu urushda biz gʻolib boʻlamiz. Ukrainaga shon-sharaflar”, dedi Zelenskiy.

Festival ishtirokchilari Zelenskiyni oʻrnilaridan turib olqishlaganlar, ayrim ijodkorlarning koʻzlarida yosh balqigan.

Bu yilgi Kann kinofestivalida litvalik ijodkor “Mantas Kvadaravichyusning “Mariupolis-2” filmi namoyish etiladi. Kvadaravichyus filmni suratga olish vaqtida Mariupol shahrida halok boʻlgan. Filmning birinchi qismi 2016-yilda suratga olingan boʻlib, unda Donbassdagi urush oqibatlari haqida hikoya qilingan.

Kann kinofestivali tashkilotchilari Ukrainani qoʻllab-quvvatlash maqsadida bu yili Rossiyaning rasmiy delegatsiyasini qabul qilishdan bosh tortgan edilar.

• Festival
• Kino
• Ukraina