Ukraina prezidenti Volodimir Zelenskiy harbiy harakatlar tugamasdan respublika hududini tiklashni boshlashni taklif qildi. Bu haqda u Shvetsariyaning Lugano shahrida boʻlib oʻtgan xalqaro konferensiya ishtirokchilariga video murojaatida aytib oʻtdi, Bu haqda “TASS” agentligi xabar berdi.

“Men bir muhim fikrni aytmoqchiman, Biz hozirdanoq Ukrainani qayta tiklashga harakat qilishimiz kerak. Maktab taʼlimini tiklash, sogʻliqni saqlash, koʻchirilganlarni uy-joy bilan taʼminlash, ukrainaliklarning ishini kafolatlash, energiyani muhofaza qilish – bularning barchasi hozir, ayniqsa qish arafasida muhim”, – deya taʼkidlagan prezident.

Avvalroq, Luganodagi konferensiya davomida Yevropa Ittifoqi (YEI) Ukraina iqtisodiyotini tiklash rejasini taqdim etishi maʼlum boʻlgan edi. Bloomberg maʼlumotlariga koʻra, Yevropa Ittifoqining tegishli dasturi ikki ming sahifadan iborat boʻlib, infratuzilma, xavfsizlik, iqlim, energetika va raqamli iqtisodiyot sohasidagi loyihalarni aks ettiradi.

• Rossiya
• Ukraina
• Zelenskiy