37°
Kechasi 23°
Rossiya Federatsiyasi Prezidenti Vladimir Putin Shvetsiya va Finlandiyaning NATOga qo‘shilishi haqida o‘z fikrini va Moskvaning xulosasini bayon qildi. Uning aytishicha, agar Finlandiya va Shvetsiya NATOga a‘zo bo‘lib Rossiyaga tahdid solishsa, Moskva ham xuddi shunday javob qaytarishga majbur bo‘ladi.
– Finlandiya va Shvetsiyaga kelsak, bizda ular bilan Ukraina bilan bo‘lgani kabi hech qanday muammomiz yo‘q. Ular bilan bizning hududiy bahslarimiz ham yo‘q. Finlandiya va Shvetsiyaning NATOga qo‘shilishida bizni xavotirga soladigan hech narsa yo‘q. Shuni xohlashmoqdami – marhamat, qarshiligimiz yo‘q. Ammo ular bir narsani aniq bilishlari kerak, ular bilan ilgari hech qanday muammomiz bo‘lmagan.
Endi, agar NATO qo‘shinlari va infratuzilmasi Finlandiya va Shvetsiya hududiga joylashtirilsa, biz ham ularga xuddi shunday javob berishga va bizga nisbatan tahdidlar paydo bo‘lsa ushbu davlat hududlariga ham xuddi shunday tahdidlarni yaratishga majbur bo‘lamiz. Bu aniq narsa. Nahotki ular buni tushunishni istashmayapti? Bu davlatlar bilan munosabatlarimiz yaxshi edi, lekin agar endi qandaydir kelishmovchiliklar paydo bo‘lsa, biz ham aynan shunday javob qaytarishga majbur bo‘lamiz. Yana bir bor takrorlayman, tahdid solishsa biz ham xuddi shunday qilamiz. Bu aniq va muqarrar, - dedi Rossiya Prezidenti Vladimir Putin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
