Italiya o‘zining xushta'm taomlari, boy tarixi va go‘zal manzaralari bilan mashhur. Bu yerda sayyohlar qadimiy yodgorlik va binolarni, zamonaviy savdo markazlari va eng yaxshi butiklarni, lazzatli pitssa va qahvani, xushmanzara plyajlar va viqorli tog‘larni ko‘rishlari mumkin. Italiyaning eng maftunkor shaharchalari bo‘ylab virtual sayohat qilishga nima deysiz?

1. Atrani. Bu shaharcha Amalfiya sohil bo‘yida joylashgan bo‘lib, Italiya janubidagi eng kichik shahardir.  

2. 

3. 

4. Kastelsardo. Atigi besh ming kishi istiqomat qiladigan bu shaharcha Sardiniyada. Shaharchadagi inshootlardan O‘rta yer dengizi ko‘rinib turadi.  

5. 

6. 

7. Vogonya. Ikki mingga yaqin kishi yashaydigan bu mo‘'jazgina kommuna tog‘lar bilan o‘ralgan. Bu yerdagi Viskonti qal'asi 1344 yilda qurilgan.  

8. 

9. 

10. Alberobello. Shahar o‘zining trullo deb nomlanuvchi antiqa inshootlari bilan nom qozongan. U Apuliya hududida joylashgan bo‘lib, toshdan qurilgan ayrim kulbalarda qadimiy sirli belgilar saqlanib qolgan.  

11. 

12. 

13. Neyve. Uch mingdan ortiqroq aholisi bo‘lgan bu shaharcha dunyodagi eng go‘zal kun botishini tomosha qilish uchun zo‘r joy.  

14. 

15. 

16. Monte-Izola. Bu kommunaning maydoni atigi 12,8 kv. km. bo‘lib, mamlakatdagi eng yirik ko‘l oroli hisoblanadi.  

17. 

18. 

19. Kolletta-di-Kastelbyanko. Bu qadimiy qishloq to‘laligicha toshdan bunyod etilgan. Taxmin qilishlaricha, uni XIII asrda saratsinlardan himoyalanish uchun tashkil etishgan.  

20. 

21. 

22. Vernatssa. Chinkve-Terre hududidagi beshta shahardan biri. Bu yerda 1200 ga yaqin aholi yashaydi va Italiya Riverasidagi baliqchilar maskanlaridan biri hisoblanadi.  

23. 

24. 

25. Otranto. Bir paytlar bu shaharcha o‘z naslli otlari bilan mashhur bo‘lgan. Shaharchada olti mingga yaqin kishi istiqomat qiladi. Diqqatga sazovor maskanlardan biri 1485 yilda qurilgan Aragon qal'asidir.  

26. 

27. 

28. Glorensa. Bu kommuna Italiyaning shimoliy qismida bo‘lib, bu yerda mingga yaqin kishi yashaydi. Qiziq fakt: aholining aksariyat qismi nemischa so‘zlashadi.  

29. 

30. 

31. Dotssa. Dotssa har ikki yilda bir marta o‘tkaziladigan devorga surat chizish festivali bilan dovruq qozongan. Binolar devorlarida o‘z ijod namunalarini qoldirish uchun bu yerga butun dunyodan rassomlar kelishadi.  

32. 

33. 

34. Polinyano-a-Mare. Janubiy Italiyaning bu kommunasi Adriatika dengizida joylashgan bo‘lib, o‘zining mashhur plyaji bilan maqtana oladi. Bu yerdagi “Grotta Palazzese” mehmonxonasining restorani g‘or ichida joylashgan.  

35. 

36. 

37. Malchezine. Shaharcha Garda ko‘lining sharqiy sohilida, Venetsiyadan taxminan 120 km. uzoqlikda joylashgan. Bu yer go‘zal manzarasi bilan odamni o‘ziga jalb qiladi.  

38. 

39. 

40. Korinaldo. Bu shaharchada XIV asrda qurilgan devorlar saqlanib qolgan. U shuningdek, Avliyo Mariya Goretti tug‘ilgan shaharcha sifatida ham mashhur. 

41. 

42. 

43. Boza. Bu sehrli shaharcha go‘zal binolari va palmalari bilan mashhur. Bu yerda sakkiz mingga yaqin kishi yashaydi. Iqtisodiyotning asosiy qismi qishloq xo‘jaligi va baliqchilikka to‘g‘ri keladi.  

44. 

45.