Xabar berilishicha, Donald Tramp ma’muriyati tomonidan e’lon qilingan “o‘z ixtiyori bilan deportatsiya” dasturi asosida Qo‘shma Shtatlarni ixtiyoriy tark etgan 64 nafar migrant bo‘lgan ilk charter reys Gonduras va Kolumbiyaga yetib borgan.

AQSh Ichki xavfsizlik vazirligiga ko‘ra, ushbu noqonuniy migrantlar yangi CBP Home ilovasi orqali o‘zlari ro‘yxatdan o‘tgan va ular uchun Hyustondan maxsus charter parvozi tashkil etilgan.

“Ushbu migrantlar bepul parvoz, 1000 dollar pul mablag‘i va kelajakda Qo‘shma Shtatlarga qonuniy asosda qaytish imkoniyatini olishgan”, – deyiladi vazirlik bayonotida.

Gondurasga qaytgan 38 kishiga ushbu mamlakat hukumati qo‘shimcha ravishda 100 dollardan pul, oziq-ovqat talonlari bergan va ish bilan ta’minlashda yordam berishga va’da qilgan. Kolumbiyaga qaytgan 26 kishiga esa mamlakat hukumati “ijtimoiy xizmatlar” ko‘rsatganini ma’lum qilgan.

• AQSh
• Deportatsiya
• Kolumbiya
• migrant