Davlat statistika qo‘mitasida 2019-yil 28–31-oktabr kunlari Shveysariyaning Jeneva shahrida BMTning Yevropa bo‘yicha iqtisodiy komissiyasi tomonidan tashkil etilgan migratsiya statistikasi bo‘yicha seminar natijalariga bag‘ishlangan taqdimot o‘tkazildi. Bu haqida Davlat statistika qo‘mitasi Matbuot xizmati xabar berdi. 

Mazkur seminarda Jenevada o‘tkazilgan tadbirda ishtirok etgan qo‘mita mutasaddisi xizmat safari davomida olgan ma’lumot va tajribalari bilan o‘rtoqlashdi. 

Jumladan, u seminar va ishchi sessiyada muhokama qilingan migratsiya statistikasi sohasidagi so‘nggi yangiliklar, migratsiya ma’lumotlarini yig‘ish bo‘yicha yangi usullar hamda xorijiy davlatlarning migratsiya statistikasi kuzatuv natijalari haqida ma’lumot berdi.