Mahsulotlarning jami og‘irligi 460 kilogrammga teng bo‘lgan.

Qayd etilishicha, 2021-yil 22- iyun kuni soat 01:30larda Qashqadaryo viloyati, Chiroqchi tumani hududida joylashgan “Umakay” YPX maskanida YPX xodimi xizmat olib borgan. 

Xizmat paytida, “Qarshi-Toshkent” yo‘nalishi bo‘ylab harakatlanib kelgan “Kia Carnival” rusumli avtomobil to‘xtatilib tekshirilganda, uning yukxonasida to‘q qizil rangli, noma’lum hayvonga tegishli, jami og‘irligi 460 kilogrammga teng bo‘lgan go‘sht mahsulotlari borligi aniqlangan.

Ma’lum bo‘lishicha, go‘sht mahsulotlar Chiroqchi tumani veterinariya bo‘limining laboratoriyasida tekshirilganda ularning iste’molga yaroqsizligi aniqlanib, mahsulotlar belgilangan tartibda yo‘q qilingan.